Sikujuitsoq avannarleq Kalaallilt Nunaannut ataneqarnersoq mississulerpaat

Svensk-it dansk-illu ilisimasassarsiortui sikuijutsumut avannarlermukarlutik ullumi aallarput. Sikuijuitsoq avannarliup nunataa Kalaallit Nunaannut ataneqarnersoq paasiniariartorlugu. Taavani Olie-mik Gas-imillu piiaasoqarsinnaaneranik kinguneqarsinnaavoq.

Ullup qeqqata siorna umiarsuaq sikusiut Oden Norge-mi illoqarfiit ilaannit Tromsø-mit aallarpoq sikuijuitsoq avannarlermut ingerlaassalluni, Danmarks Radio nutaarsiassaqartitsivia nalunaarpoq.

Umiarsuarmi Oden-imi ilaapput, inuttat 22-it ilisimasassarsiortullu 45-it. Taakkua qaammatip ataatsip ingerlanerani paasissutissanik atortunillu katersisussaapput. Sikuijuitsoq avannarliup imartaata naqqatigut Kalaallit Nunaannut ataneqarnersoq paasiniarneqartussaavoq. Taamaassimappallu sikuijuitsup avannarliup annertunersaanik piginnittuunissamik piumasaqaatitaqarsinnaalluni.

Sikuijuitsup naqqani Olie-mik Gas-imillu nassaartoqassagaluarpat, aningaasarsiutaalluarsinaavoq. Amerika-miummi ilisimasassarsiortui isumaqarput, nunarsuatsinni olie-qarfiit Gas-eqarfiillu nassaarineqarsimanngitsut sikuijuitsup avannarliup naqqaniittut.