Sikuiutsumi kujallermi annaassiniarneq iluatsittoq

Issittumi timmisartukkut angalaniarnerit ajornarlutillu navianarsinnaapput, sikuiutsumilu kujallermi ukiuunerani timmisartukkut angalaniarneq suli navianarneruvoq.
Timmisartut Twin Otterit marluk issittumi 70 gradit tikillugit issitsigisumi kisimik timmisartuussisinnaapput. Assi © : Walter Turnowsky/KNR
juunip 23-at 2016 13:16
Nutserisoq Bikki P. Kleist

Sikuiutsumi kujallermi annaassiniarnermut atatillugu canadamiut timmisartui Twin Otterit marluk Calgarymeersut annaassiniariartortinneqaleruttorput. 

Canadamit annaassiniartut ullut tallimat ingerlanerini 16.700 kilomiiterit ingerlaarsimavaat. 

Sikuiuitsumi kujallermi ilisimatusarfeqarfiusumi, Amundsen-Scottimi napparsimalluni peruluttoq pinasuartumik napparsimmavimmukaanneqartariaqarsimasoq aaneqarpoq. 

Timmisartut twin-otterit marluk issittumi 70 gradit tikillugit issitsigisumi angallassisinnaasut kisimik timmisartuussisinnaapput. 

Sikuiuitsoq kujalleq ukiuuvoq, sila unerisimasanngilaq anorlikkajullunilu taartorsuusarpoq, taamaattumik angallassiniarneq navianarluinnarpoq.

Angalanerli imaannaanngitsoq iluatsippoq, napparsimasormi Chilemi napparsimavimmut apuunneqarpoq.