Sikuiutsoq Kujalleq takornariarfiginerusalerpaat

Allamik misigisaqarusuttarput, qanorluunniit akeqassagaluarpalluunniit.

Kalaallit Nunaannukartarput, Alaskaliartalerput, Canadallu issittortaanukarusuttalerlutik. Sikuiutsoq Kujalleq takornariarfigissallugu maanna aamma nuannarineqaleraluttuinnarpoq.

Sikuiutsoq Kujalleq tikissallugu akisoqaaq ajornakusoorlunilu, umiarsuarmulli ilaallutik tamaanga angalasarnerit akulikilligaluttuinnarput, Amerika Kujallermiit Australiaminngaanniilu Sikuiutsoq Kujalleq orninneqarnerusarluni.

Umiarsuarmut ilaaneq akisoqaaq, 50.000-it 100.000 koruunit akornanni akeqarajulluni. Angalaneq ullut qulit sinnerlugit sivisussuseqarsinnaavoq sapaatillu akunneri arlallit aamma angalasoqarsinnaalluni.

Timmisartorluni Sikuiutsoq Kujalleq aamma tikinneqarsinnaavoq, qaqqasiortartut sisorartartullu akia eqqarsaatiginagu Sikuiutsoq Kujalleq ornittaramikku.

Takornariat 100-likkaat umiarsuarmut ilaallutik Sikuiutsup Kujalliup avataanut apuunneqarsinnaapput, amerlanerpaamilli 100-t niusinnaatitaapput.

Sikuiutsoq Kujalleq nunanit assigiinngitsunit aqunneqarpoq, Norge, USA aamma Tuluit Nunaat aqutsisunut ilaallutik.

Sikuiutsoq Kujalleq ilisimatuunit soqutigineqartorujussuuvoq, mingutsitsiffigineqannginnissaalu pingaartinneqarluni.

Sikuiutsoq Kujalleq takornarianit tikinneqarsinnaassanersoq tikinneqarsinnaassannginnersorluuniit oqallisaasorujussuuvoq.