Sikuiuitsup sermia aakkiartuinnarpoq

Sikuiuitsup sermia ukiuni untritilikkaani aatsaat taama aassimatigaaq. Ilisimatusartut Washingtonimeersut taama oqarput.

- Sikuiuitsup sermianik ukioq’manna septemberip qaammataa tikillugu misissuisoqarnerani aatsaat taama annikitsigaaq. Ukioq 2002-mi taanna annikinnerpaasimagaluarpoq, ukioq’mannali ilimagaarput sermip sumiiffik manna tikillugu annikinnerpaaq qallersimassagaa, Apummik Sikumillu USA-mi Naalagaaffiup Qarasaasiaqarfiani sulisoq, Julienne Stroeve, oqarpoq. Qarasaasiaqarfiup suleqatigai ilisimatusarfissuit markuk, aappaa Coloradomiittoq aappaalu Washingtonimiittoq, University of Colorado aamma University of Washington.

NASA-p, qaammataasatigut assilisaat ilisimatusartut iluaqutigisimaqaat, taakkunuunatigummi takuneqarsinnaasimammat Sikuiuitsup sermia qanoq saalisimatigisoq.

Siukiuitsup sermia, aamma sermimik Qalasersuup nalaaniittumik taaneqartartoq, ukiut sisamassaa ingerlatiinnarlugu saaliartuinnartoq maluginiarneqarpoq, aatsaallu taama ataavartigisumik taama pisoqarluni.

Ilisimatuut oqarput, Sikuiuitsup sermiata aakkiartorneranut gassit nunarsuatsinni kissatsikkiartortitsisartut silaannarmik kissatsitsisarnerat pissutaasoq.