Sikuiuitsumi Kujallermi sermeq aakkiartupiloorpoq
Sikuiuitsoq Kujallermi sermeq tonsinik millionerpassuarnik oqimaassusilik 2006-ip kingornagut aassimasoq, misissuinerup nutaap, atuagassiami ilisimatusarnermik sammisaqartumi Nature Geosciencemi saqqummiunneqarpoq.
Allattoq Elisa Isaksen
novembarip 23-at 2009 06:53
Misissuinermi paasisat ilisimatuut tupaallaatigaat, tassami maannamut Sikuiuitsup kangisinnerusortaa nunarsuup kiatsikkiartorneranit sunnigaasimanngikkaluarmat. Aamma sermeq Sikuiuitsup kippasinnerusuaniittoq naatsorsuutigineqartumit sukkanerusumik aakkiartortoq, misissuinermi paasineqarpoq.
Sikuiuitsup Kujalliup kippasinnerusortaaniittoq sermeq aassagaluarpat, nunarsuatsinni imavissuit meterinik tallimanik qaffariassasut, atuagassiami allaaserineqarpoq.