Sikuiuitsoq Kujalleq qinngusersaarfissaqqigaat

Ulloriarsiorniaraanni Sikuiuitsoq Kujallermiit periarfissat pitsaanerpaapput. Ilisimatuut nunanit tamalaaneersut taama inerniliipput, qinngusersaarniaraannili Kalaallit Nunaanniit aamma taamaaliortoqarsinnaalluartoq, atuagassiami Ingeniørenimi taama allaaserinnittoqarpoq.
juunip 15-at 2009 08:11

Silaannaap panernerujussua periarfissagissaarnerusinnaanerlu pissutaalluni Sikuiuitsoq Kujalleq ilisimatuunit iluarineqaneruvoq, silalli allanngorarnerujussua aamma aporfiusutut nalilerneqarpoq.

Qinnguartaatip Sermersuarmi inissinneqarnissaa ilisimatuut Danmarkimeersut orniginartinneruaat. Niels Bohr Institutimi Dark Cosmology Centre-imi lektori Kristian Pedersen Kalaallit Nunaanni siorna misileraavoq, qinnguartaatimik inissiisoqarsinnaanissaa pillugu misissuigami. Teknikimik ilisimasalik Anton Norup Sørensen peqatigalugu Kristian Pedersen misissuivoq.

Qinnguartaat immikkut ittoq Sermersuarmi Summitimi inissinneqarpoq, naallu Sikuiuitsoq Kujallermi periarfissat pitsaanerugaluartut Nunatsinniit periarfissat aamma iluarineqarput.

Ataavartumilli qinnguartaateqassanersoq suli aalajangiunneqanngilaq, misissuinerit assigiinngitsut naammassineqareerpata aatsaat aalajangiunneqassagami.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq