Sikuijuitsoq avannarleq kimit pigineqarnersoq oqartussaaffigineqarnersorlu oqallinnermi folketing-imi ilaasortat ilanngupput.
Statsminister Anders Fogh Rasmussen Socialdemokrat-init nassuiaaqquneqarpoq, Danmark sikuijuitsoq avannarlermik piginnittussaanerminik piumasaqarsinnaanersoq, nutaarsiassaqartitsivik Ritzau ullumi allappoq.
Anders Fogh Rasmussen qanittumi oqarpoq, sikuijuitsoq avannarleq nunarsuarmiut tamarmik pigigaat, tamannalu aallaavigalugu socialdemokrat-it nassuiaammik piumapput. Naalakkersuisoqataa ilisimatuussutsikkut naalakkersuisoq Helge Sander siusinnerusukkut oqamisaarsimavoq, sikuijuitsup avannarliup ilaa dansk-it pigigaat.
Statsminister-ip paasinninnera tapersersorneruvara, Danmark-ili piaartumik nunat allat peqatigalugit aaqqiissutaasinnaasumik nassaarniartariaqarput, siullermilli naalakkersuisut isumaat ersarissoq pasineqaqqaartariaqarpoq, Socialdemokrat-it ilisimatuussutsikkut oqaaseqartartuat Rasmus Prehn nutaarsiassaqartitsivimmut Ritzau-imut oqarpoq.
Ukioq 2010 tungaanut Danmark 230 millioner koruuninik immikkoortitsimavoq sikuijuitsup avannarliup naqqata ilusaata uuttortarneqarnissaanut. Umiarsuaq Oden ullumi norge-miit allartoq ilaatigut uuttortaasussaavoq.
