Siku saqqummersippaa

Traneudstillingenimi Gentoftemiittumi Danmarkimi siullersaallutik Jens Brinkip sikunik assilisai saqqummersinneqarput. Taama allappoq illoqarfiup aviisia Villabyerne.

2009-mili Jens Brink Ilulissaniilerpoq, tassanilu ilulissat qalipaataat ilusaallu tinguartiffigalugit.

Saqqummersitsineq Kangia-nik taasaq juulip 24-niit septembarip aqqarnanut takuneqassinnaavoq. Saqqummersitsinerup taaguutaani Ilulissat kangerluanni sermeq eqqarsaatigineqarpoq, Jens Brinkilu tamaani assiliivilerluni ilulissanik assigiinngitsunik assilisassarsiortarpoq.

Saqqummersitsinermi sikup allanngorartuunera ersersinneqarpoq.

- Saqqummersitsinerup aappaani siku qallivillugu tatsillu sikui assilisaassavakka. Tatsip sikuata qaa manissorujussuuvoq persoraartumilu ammut saallunga isigalunga assiliivunga. Siku akimut ersilluinnarpoq. Allanngorarnermini quppartitsersimavoq puaasaqarlunilu. Soorlu allaaqqimmi arsarnerit qerinikut, Jens Brink Gentofte Bibliotekkiata nittartaani taama oqarpoq.

Det Kongelige Kunstakademi-mi naqitalerinermut immikkoortortaani Jens Brink ilinniarsimavoq.