Siku Extreme Arctic Challenge-mi Neriusaaq suli siuttuuvoq

Sakkortuumiik timersornermik Siku Extreme Arctic Challenge-mik taallugu Tasiilami unamminerup ullua kingulleq ingerlanneqaleruttorpoq. Nunatsinniit peqataasut, Neriusaaq maannakkut ullut pingajussaani siuttuupput, tullersortaallutik qallunaat nunaanneersut ISI Salomon-imik taaguuteqartut, normu 3-tullu inissisimalerput, Team Maniitsoq 225. Ippassaq qajarissamik sermiliup kangerlua aqqutigineqarpoq, mittivakkallu sermia aqqusaarneqarluni. Tasiilap qeqertaa kaajallangajallugu unammneq ingerlanneqartoq 120 kilometer-nik isortartussuseqarpoq. Unnamminermi Neriusaap siuttuunini attatiinnarpaa, tullersortaarsimasullu Team Maniitsoq 225 qallunaanit ISI Salomon-ikkunnit ippassaq qaangerneqarput, taamaalillutik unamminermi 3-tut inissisimalerlutik. Siku Extreme Arctic Challenge-mi unamminermi Tasiilamut apuuttussat siulliit unnuaru apuunnissaat naatsersuutigineqarput, sinnerilu aqagu pingasunngornermi ullup ingerlanerani unnuakkulluunniit apuutissangatinneqarlutik. Unnamisut ippassaq unnukkut Sermilimmut apuummata, tigaalliup neqaanik siatanik sassaallerfigineqarput, Tasiilami erinarsoqatigiinnit erinarsorfigineqarlutik kiisalu Simon Lynge Qaqortuminngaaneersoq maannakkullu Amerikami Los Angeles-imi najugaqartumit erinarsorfigineqarlutik.