Sikkussaaqqasut: Sikuiutsumi Kujallermi ukiutoqarsiortut
Russit sikusiutaat, Akademik Sholaskiy, franskit silasiorfiannit Dumont D'Urville-mit 100 sømilinik kangisinnerumi juulliaqqamili sikumi nikeriarsinnaajunnaaqqavoq.
Katillugit inuit 74-it umiarsuarmiipput, taakkunannga 52-it takornariaallutik, ilaallu ilisimatuutut misissuisuullutik.
Kingullertulli tusagarput tassaavoq, qulimiguulik sikunik aserorterummut missinnaasimasoq, issimasullu siulliit qimagussorsinnaasimallugit.
- Take off! Holdit tullii maanna aallarput. Takujuminaqaaq, ilisimassarsiornermi pisortaq, Chris Turney, allappoq. Qulimigulliip annaassiniarneranik taanna nittartakkamut aamma ilisisimavoq.
Qulimiguullip annaassiniartartup ilaasut 52-it - tassa takornariat 26-t, ilisimatuullu 26-t, qimagussussallugit aalajangersimavoq.
Russilli sikunik aserorterummi inuttat 22-t Akademik Sjokalskijimiiginnarallassapput.
Umiarsuarmiittulli 74-iusut qiimmisaaqisut, nerisassaqarluartut imigassaqarlutillu qiianngitsut nuannisaqisullu nalunaarutigineqarpoq.
Ukiutoqqami umiarsuaq kaavillugu ukiortaarsiutinik erinarsoqattaarput, qulimiguullillu annaassiniarluni takkuttussatut naatsorsuutigineqartup miffissaa tummaaralugu manissarpaat.