Taamaammallu katersugaasivik kulturikkut kingornussanik takusassiaqanngingajappoq. Taakku qaammat sinnerlugu containerimi qerititsivimmiitinneqariarlutik.Assi: Uummannaq Museum

Sikannertuut katersugaasivik matoqqatikkaa

Uummannami katersugaasivimmimi sullerngit suli ajornartorsiutaapput. Qaqugulu ammaqqissinnaanera suli oqaatigiuminaatsinneqarpoq.

- Qaqugu ammassanerluta oqarsinnaanngikkallarpugut. Piaarnerpaamik ammarsinnaanissaa neriunnaraluarpoq.

Uummannap katersugaasiviata pisortaa, Carina Jeremiassen oqarpoq.

Uummannami katersugaasivik sullineqalersimavoq, taakkualu, ammit, saarngit qisullu saassussimammagit, katersugasivik juunip 17-iani matusariaqalersimavoq.

Sullerngit amerikameersut umimmaap niaquat nerillugu aserorpaat. Taannalu katersugaasivimmiit iginneqartariaqarsimavoq.

AAMMA ATUARUK Katersugaasivimmi umimmaap niaqua sullineqartoq

- Ajoqusernikut saarngit; umimmaap niaqua iginnikuupput. Kisianni annerusumik ajoqusiinikuunngillat, taamaallaat ammit tamaasa støvsugertariaqarnikuuagut, taakkulu qeritinnikuuvagut.

Suli nungunngitsut

Katersugaasivik sulliniiarlugu taamanili asanneqarluni, støvsugerneqarluni pujoralaajarneqartaraluarluni, suli ulloq manna tikillugu sullinineqqittartoq, katersugaasiviup pisortaa oqarpoq.

- Qaammat ataaseq affarlu nassaanngiivissimagutta aatsaat ammaqqissinnaavugut. Ataasiakkaanik suli nassaallattaagatta taamaammat suli ammanngilagut. Ullut tamakkinngikkaluarlugit immaqa ullut tallimakkaarlugit ataasiakkaannguanik nassaartarpugut.

Taamaammallu katersugaasivik kulturikkut kingornussanik takusassiaqanngingajappoq.

Taakku qaammat sinnerlugu containerimi qerititsivimmiitinneqariarlutik, maanna containerimut nalinginnaasumut nuunneqarsimalerput. Sulili sullineqarmat katersugaasiviliaanneqarsinnaanngikkallarput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat