Sikallutta 100 liimmat inuppassuit katersortarfimmut kaffisoriakaapput
Nunatsinni utoqqanersaq Sikallutta Charlotte Petersen Nuummi utoqqaat illuani najugaqartoq 100-inik ukioqalerluni inuuissiorpoq.
Inuuissiornerani, Nuummi innuttaasut Nuup Katersortarfiani Nuuk Kommuneanit kaffillerfigineqarput. Nalunaaqutaq ataatsimut kaffillerneq aallartippoq, naatsersuutigisamillu inuttaasut amerlanerit kaffisoriarput, tammannalu Nuuk kommuneani sulisup Helle Hammeken Holm-ip malugilluarpaa, naatsersuutigineqarsimagaluarpoq inuit 250-it missaanniittut katersortarfimmut kaffissoriassasut, inuilli kaffisoriat amerlammata, boorlunik kaaginillu pisiniaqqittariaqarsimapput, isumaqarpullu illoqarfiup boorluutai kaagiutaallu nungunneqarsimasut.
kaffisoriat qiimarrateqaat, Helle Hammeken Holm oqarpoq
Sikallutta Charlotte Petersen ualimut katersorfimmut isermat inuppassuarnit kaffisoriartukaasunit ersaattaaffigineqarpoq, Nuuk Kommune-ani Borgmester-imit Agnethe Davidsen-imit oqalugiarfigineqarpoq erinarsoqatigiinnit erinarisorfigineqarluni soorunalimi aamma inuuissiortunut erinarsuummik erinarsorfigineqarluni.
