Sulinermik Inuussutissarsiuteqartut Kattuffiat, SIK, ukiunik 50-nngortorsiorluni nalliuttorsiorpoq, tamatumalu malunnartinneqarnera Qaqortumi ippassaq aallartinneqarpoq.
Nalliuttorsiorneq Sulisartut Højskoleanni sapaatiuppat tungaanut ingerlanneqassaaq, SIK-mullu ilaasortatoqqat qanga sulisartoqarnermut tunngasunik ippassaq unnukkut oqaluttuartinneqarput.
Nalliuttorsiornivissuaq arfininngorpat juulip ulluisa aallaqaataanni ingerlanneqassaaq, siulittaasoq Jess G. Berthelsen Danmarkimilu Kattuffissuarmi LO-mi siulittaasoq, Hans Jensen, ilaatigut oqalugiartuussallutik.
SIK-p ukiunik 50-nngortorsiorluni nalliuttorsiornera sineriak tamakkerlugu ukiup sinnerani malunnartinneqassaaq, immikkoortortaqarfiit ilaasortallu tamaasa peqataalluaqqullugit kajumissaarneqarput.