SIK: SIK-mi ilaasortat akikitsunik illusisinnaatitaasariaqarput

Sulinermik Inuussutissarsiuteqartut Kattuffianni, SIK-mi ilaasortat inuillu allat, illusinermi illup pitsaassusaata nalilerneqarnera naapertorlugu, tassa teknisk vurderingimik taaguteqartoq aqqutigalugu pisisinnaatitaasariaqarput, illup tuniniarneqarnissaanut naliliineq aqqutiginngikkaluarlugu pisisinnaatitaasiaqariaqarput, tassa markedsværdimik taaguuteqartoq aqqutiginngikkaluarlugu matumani pineqarluni.
Allattoq Mads Lynge
februaarip 19-at 2009 05:32

Naalakkersuisuusimasut atorfilittallu pisortat illuutaannik akikinaarlugu pisisarsimanerat pillugu oqallinnermi SIK-p siulittaasua Jess G. Berthelsen taama oqarpoq:

- Isumaqarpunga arlaatigut nutaamik periarfissiisoqartariaqartoq teknisk værdi aallaavigalugu pisinissamut, imaluunniit allatigut aningaasat tungaatigut oqilisaassisoqartariaqartoq, ilaasortagut aamma periarfissaqarniassammata nammineq illumik pisinissaminnut, Jess G. Berthelsen oqarpoq, nangipporlu:

- Qujanartumik paasivara ilaasortagut arlallit periarfissaq taanna atorlugu taama aamma pisisimasut, nuannaarutigaaralu. Taamaattumik isumaqarpunga taamatut periarfissiisimaneq uteqqillugu aaqqiivigineqartariaqartoq, ilaasortagutallat aamma ukiorpassuarni najugaqarisimasaminnik teknisk værdi atorlugu pisisinnaaniassammata, SIK-p siulittaasua Jess G. Berthelsen oqarpoq. SIK-mi ilaasortat arlallit inatsit taamanikkut atuutsinneqaraluartoq aqqutigalugu inigisartik akikitsumik pisiarisimagaat, Jess G. Berthelsenip erseqqissaatigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq