SIK Royal Greenlandilu ataatsimoorlutik akerliliipput

Sulinermik Inuussutissarsiuteqartut Kattuffiata aamma Royal Greenlandip ataatsimoortumik oqaaseqaateqarlutik, Aalisarnermut siunnersuisoqatigiit siunnersuutaat, tassa sinerissap avataani qaleralittassat ilaannik tulaassisussaatitaanerup peerneqarnissaa, akerlilerpaat.
Allattoq Elisa Isaksen
januaarip 14-at 2010 15:16

Siunnersuut aalisarnermut inatsisip allanngortiterniarneqarneranut atatillugu tusarniaassutigineqarpoq.

Sinerissap avataani qaleralittassat 25 procentiisa tulaanneqartussaanerannik aalajangersakkap atuukkunnaarsinneqarnissaa, SIK-p aamma Royal Greenlandip akuerisinnaannginnerarpaat. SIK-p siulittaasua Jess G. Berthelsen aamma Royal Greenlandimi pisortap tullia, Paaviaaraq Heilmann isumaqarput, taamatut allanngortitsiniarneq, Royal Greenlandip tunisassiassanik nunami maani suliaqarnerulernissamut sullivinnillu nutaanik, ilaatigut Qasigiannguani, pilersitsinissamut pilersaarutaanut akerliusoq.

Jess G. Berthelsenip aamma Paaviaaraq Heilmannip Naalakkersuisut, aalisakkanik maannamit ineriigaanerusunik Nunatsinni tunisassiornerup annertusarniarneqarneranik tapersersueqqullugit kajumissaarpaat, tassami taamaaliornikkut suliffissat amerlanerusut pilersinneqassammata Nunatsinnilu aningaasat kaaviiaartitat amerlanerulissammata.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq