SIK-p siulittaasuata ilaasortat sunnernialerpai

Novembarip 25-iani Kalaallit Nunaata Namminersulernissaanut aappimik naamimilluunniit taasisoqalerpat SIK-p siulittaasua Jess G. Berthelsen ilaasortaminut sunniinialersaarpoq aappimik taaseqqullugit.
septembarip 14-at 2008 16:53

Jess G. Berthelsen aperaarput namminersulernissap innuttaasunut paasisitsiniutigineqarnera naammaginartinneraa.

- Naammagisimaarpara kisianni soorunami SIK aamma peqataarusuppoq ilaasortallu eqqarsaatigalugit paasititsiniaaqataarusuppoq, tassami SIK-p politikkimik anguniagaraa namminersulernissap anguneqarnissaa, Jess G. Berthelsen oqarpoq.

Inuit ilaasa namminersornissap takorluukkersaarutaaneratut paasinnittarnerat Jess G Berthelsenip paasilluarsinnaanerarpaa erseqqissaatigaali SIK isumaqarmat namminersulernissamik eqqarsaat piviusorsiortuusoq.

Taassumattaaq erseqqissaaatigaa Namminersulernissaq pillugu allaffeqarfiup aappeertut naameertullu tamarmik inissaqartinneqarnissaannik oqaaseqarsimanera isumaqatigigini.

- Inuttaasut qanoq taasinissaminnik namminneq pisinnaatitaaffeqarput, Jess G. Berthelsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq