SIK-p siulittaasorisimasaa Ole Magnussen toqukkut qimaguppoq

Ole Magnussen SIK-mi 1988-89-imi siulittaasuuvoq.

- Ole naaperiaasinnaassuseqarpoq, taamaattumillu naalakkersuinermik suliaqartunik attaveqarluartuuvoq, akissarsiallu pillugit isumaqatigiinninniartarnerni malartaasersinnaassuseqaraluarluni, taamaattoq piviusorsiortuugami naaperiaallaqqissuuvoq, SIK-p siulittaasua, Jess G. Berthelsen eqqaaniaalluni allappoq.

Nangillunilu tikkuarpaa, Ole Magnussenip inuiaqatigiinni pissakinnerusut illersorneqarnissaat qamuuna pigisarigaa.

- Ukiuni kingullerni arlalippassuarni SIK-p siulittaasuata tulliatut sulereerluni soraarninngorami aamma Nuummi Utoqqaat Peqatigiiffianni suleqataalerpoq, utoqqalinersiutisiallillu atugarisaasa pitsanngorsarneqarnissaat tassuuna aamma suleqataaffigalugu, Jess G. Berthelsen oqarpoq.