SIK-p ataatsimeersuarnermini oqaatsinut tunngasut eqqartussavaat

SIK-mut ilaasortai 30 procentit kalaallisuinnaq oqaluttuunertik pissutigalugu paasissutissarpassuarmik arajutsisinneqartarput, tamanna pillugu SIK-p ataatsimeersuarnerani eqqartugassanut ilaapput oqaatsinut tunngasut.

-Ilaasortagut eqqarsaatigalugit 30 procentii ataasiinnarmik oqaaseqartuupput, taakkuuppullu ajoraluartumik paasissutissanik annertoorujussuarmik arajutsisinneqartartut tuniorarneqarnerlu ajortut. Qallunaatut oqaasillit assersuutigiinnarutsigit internet-imut iserunik sorpassuarnik paasissutissanik aallersinnaapput, illuatungaatigulli ataasiinnarmik oqaasillit annertunerusumik massakkut periarfissaqanngillat qarasaasiamut pulaniassallutik, paasissutissat qallunaatuinnaq allaqqagamik, Jess G. Berthelsen oqarpoq.

-Tusagassiisarneq eqqarsaatigalugu fjernsynimilu aallakaatitsisarneq eqqarsaatigalugu takuneqarsinnaavoq qallunaatuinnaq imaluunniit oqaatsit allat aallaavigalugit kalaallisut allagartalersorneqanngitsumik aallakaatitsineq ingerlanneqartoq, tupinnaqaaq, 2005-mimi nunatsinni Kalaallit Nunaanni suli taamatut ingerlatsisoqarsinnaammat, Jess G. Berthelsen oqarpoq.

Jess G. Berthelsen-ip inatsisartunut qinersisoqaqqilerpat oqaatsitsinnik sullisserusuttunik qinersisoqarnissaanik kaammattuivoq.

-Ilaasortagut kajumissaarusuppakka aappaagumut inatsisartunut qinersisoqalerpat oqaatsitsinnik pingaartitsisunik taaseqqullugit. Aamma isumaqarpunga sulisartut sumiikkaluaruttaluunniit nillianerusariaqalersugut, piumasaqarnerusariaqalersugut paasissutissanik tunineqassagutta, taava oqaatsigut aallaavigalugit tunisisoqartariaqartoq. Taamatut piumasaqalinngikkutta taava annertunerusumik angusaqarnavianngilagut, Jess G. Berthelsen naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat