SIK-p akissarsiat minnerpaamik 11 procentimik qaffannissaat anguniarpaa
- Akissarsiat pisissutigineqarsinnaanerat 11 procentimik appariarsimavoq. Kingullermik isumaqatiginninniarnermi 8 procentimik isumaqatigiissuteqarpugut, Jess B. Berthelsen oqarpoq.
Allattoq Lotte Holm
marsip 02-at 2009 11:23
Sulinermik inuussutissarsiuteqartut akissasiaasa isumaqatiginninniutigineqarnissaanut atatillugu ilaasortat aaqqiissutissanik 162-inik piumasaqarput.
- Maluginiarsimavarput ukiuni kingullerni peqqissaasut 14 procentimik isumaqatiginninniarnerni angusaqartartut, kiisalu perorsaasut aamma qaavatigut tunineqartartut. Uani erseqqissaatiginiarparput, peqqinnissaqarfik kiisalu paaqqinnittarfiit ingerlasinnaanngillat, asaasoqartinnagu, peqqinnissamik isumaginninnermik ikiorteqartinnagu, portøreqartinnagu paaqqinnittarfinnilu ikiorteqartinnagulu. Taamaattumik ilaasortagut taakkunatulli aamma pingaaruteqartigipput, Jess G. Berthelsen oqarpoq.
