SIK oqarpoq: Henrik Leth malinnaasimanngilaq!

Inatsisit unioqqutillugit aalisartoqarneranik politimestereqarfik malersuiumanngilaq. Akerlianilli unnerluussutip tamatuma iluamik misissorneqarnissaa SIK-p kissaatigaa.

Inatsisit unioqqutillugit aalisartoqarneranik nalunaarusiaq pillugu annertunerusumik politeeqarfik maannakkuugallartoq misissuilersaanngilaq, taama radio aviisimut ilisimatitsivoq politimesteri Anders Linnet.

- Nalunaarusiaq taama ittoq ilisimanngilarput, qanorli pisoqarnissaa maanna utaqqimaartariaqassavarput, Anders Linnet oqarpoq.

Akerlianilli SIK-p siulittaasua Jess G. Berthelsen tunuarsimaarnianngilaq, tassami nalunaarusiaq taanna SIK-p aamma suleqataaffigisimavaa.

- Nalunaarusiaq taamak nuanniitsigisunik pissusissamisuunngitsigisunik imalik qangali qanoq iliuuseqarfigineqarsimasariaqaraluarpoq. Aammalu pisortaninngaanniit ilisimaneqarsimaguni ilumut unioqqutitsisoqartartoq taava pisortat pisussaapput sukkanerpaamik iliuuseqarfissallugu, taama oqarpoq Jess G. Berthelsen.

Ullo´qeqqanut radio aviisimi ilanngutassiatsinni, Royal Greenlandip pisortaata Henrik Lethip nalunaarusiaq

ilaatigut oqaasertalerpaa: inuit aterminnik taasiumanngitsut nalunaarusiornermi suleqatigineqarsimanerat atorsinnaanngitsoq, Jess G. Berthelsenillu tamanna ima oqaasertalerpaa.

- Henrik Lethi tusagassiutinut malinnaaqqissaarsimanngilaq, tassami ippassaani ilaasortatta ilaata aterminik taasilluni nalunaarusiami allaaserineqarsimasut uppernarsarpai. Aamma piareersimapput pisariaqassappat saqqummernissaminnut, taamaattumik Henriup pasilliinera tunngavissaqanngilaq, Jess G. Berthelsen oqarpoq.

Taanna aperaarput nalunaarusiaq aallaavigalugu SIK qanoq iliuuseqalersaarnersoq.

- Nalunaarusiaq massakkut saqqummerpoq, kukkusumillu uuttuuteqarluni aningaasasiaqartitsisoqartarpat taava soorunami piumasarissavarput taakkua kingumoortumik aaqqiivigineqarnissaat, Jess G. Berthelsen oqarpoq.

Jess G. Berthelsen aamma oqarpoq, nalunaarusiaq allanut oqaatigeqqusaasimanngimmat manna tikillugu oqaaseqarsimanani, tamannali isertuussinermik isumaqannginnerarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat