SIK ombudsmandimut maalaarniarpoq

Arctic Umiaq Line-p, Namminersornerullutik Oqartussanit pigineqartup, tuniniarneqarnerani periuserineqartut Sulinermik Inuussutissarsiuteqartut Kattuffiata, SIK-p, ombudsmandimut maalaarutiginiarpai.

Taama allappoq aviisi Sermitsiaq, ullumi saqqummersoq.

Kattuffiup iluarinngilaa, ingerlatitseqatigiiffiup ataasiinnaap umiarsuaatileqatigiiffimmik pisiarinninniuteqartinneqarnera, ingerlatseqatigiiffiullu danskinit pigineqartuunera suli annerusumik puffassaatigalugu. Ingerlatseqatigiiffik Arctic Travel Group, Aningaasaqarnermut Ataatsimititaliap tamanna akuerissappagu, 65 millioni koruuniliilluni maanna pisiarinnittuusimalersoq, pisiarinnittussap tungaanut kisimiilluni Arctic Umiaq Line-mik pisiarinninniutigineqarpoq, periuserlu taanna SIK-p kukkunerulluinnartutut isigaa.

SIK-p siulittaasua, Jess G. Berthelsen, Sermitsiamut oqarpoq, pisiarinnissinnaasunik arlalinik pisiariumanninniuteqartitseqqaarani pisortat suliffiutaannik tunisineq akuersaarneqarsinnaanngitsoq.

- Inuinnaat angalanissamut periarfissaasa attatiinnarneqarnissaat uagut pingaartilluinnarparput. Taamaammat Arctic Umiaq Line namminersortunit pigineqartariaqanngikkaluarpoq. Taamaakkaluartorli

Ingerlatseqatigiiffiit arlallit neqrooruteqarnissaminnut periarfissinneqarsimasinnaagaluarput. Nalulluinnarparput, Arctic Travel Group-ip neqeroorutaanit amerlanernik neqeroortoqarsimasissagaluarnersoq, Jess G. Berthelsen Sermitsiamut oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat