SIK: Nunatta eqqartuussisuunerata imminut toqqarnera apeqquserparput
SIK-p aamma Sulisitsisut Kattuffiata GA-p akornanni isumaqatigiissut unioqqutinneqarsimammat, SIK 400.000 koruuninik siorna akiligassinneqarpoq.
Aalajangiineq qanittukkut naqissuserneqarpoq, illuatungeriilli akornanni isumaqatigiittoqarsinnaanngippat isumaqatigiissitsiniartussamik toqqaasoqartariaqartarpoq, opmandimik taaneqartumik, isumaqatigiissitsiniartussatulli landsdommerip imminut toqqarnera SIK-p tungaaninngaanniit apeqquserneqarpoq:
- Nunatta eqqartuussisuunerata, Søren Søndergård Hansenip, opmanditut imminut toqqarnera silatusaarnerunngilaq, eqqartuussisuunerullu tatiginassusia apeqqusernartoqannginnissaa anguniarlugu SIK-p suliaq ingerlateqqissimavaa, Jess G. Berthelsen oqarpoq.
Isumaqatigiissitsiniarnikkut eqqartuussiviup akiliisoqarnissaanik siorna aalajangiinera, SIK-mit landsret-imut suliareqqitassanngortinneqaraluarpoq, landsret-imili eqqartuussisup Jens Schultz-Hansenip akiliisoqarnissamik aalajangiineq allanngortikkusunngilaa, SIK-llu akiliinissaq 400.000 koruuninik akiliinissaq akuersaaginnarpaa.
