SIK-mi ilaasortat eqqorneqassapput
Aluminiuliorfissami suliffippassuit pilersinneqarpata akissarsiat qaffakkaluttuinnassapput, malitsigisaanik nioqqutissat akii qaffakkaluttuinnarpata aningaasat pisissutigineqarsinnaanerat annikilleriassaaq, taama oqarpoq Henrik Leth Sulisitsisut Peqatigiiffianni pisortaq.
Allattoq Louise M. Kleemann
Eqqorneqartussallu tassaassanerarpai SIK-mi ilaasortat. Naammattunik sulisussaqassappat inuit nuuttariaqassapput, tikisitanilluunniit sulisoqartariaqassalluni. Taamaaliornissamut Kalaallit Nunaat piareeqqanersoq Henrik Lethip apeqquserpaa, Namminersornerullutillu Oqartussat tamanna pillugu sukumiinerusumik misissuinissaat kaammattuutigalugu.