SIK-ip siulittaasua: Inissaaleqineq suliffissaaleqinerlu qanoq iliuuseqarfigineqarlik
Illoqarfiit ilaanni suliffissanik pilersitsinissaq pingaaruteqartoq Jess G. Berthelsen oqarpoq. Tunumi annertuumik suliffissaaleqineqarpoq, Tunumi suliffissanik pilersitsinissamik politikerit qanoq iliuuseqarnissaat kaammattuutigaa. Kangaatsiami aalisakkanik suliffik matuneqarpoq, aamma tassani suliffissanik pilersitsisoqarnissaa piumasaralugu. Inissaaleqinerup annertunerusumik qanoq iliuuseqarfigineqarnissaaSIK-ip siulitaasuata Jess G Berthelsenip piumasaraa annertunerusumik aniningaasaliinikkut. Illoqarfinni sulisussaaleqiffiusuni inissianik sanaartortoqarnissaa kissaatigineqarpoq, inuit sulerusuttut illoqarfinni suliffissaqarfiusuni sulisinnaanissaat anguneqassammat. SIK-mi ilaasortat sumiffinni ataasiakkaanni aammalu SIKip immikkoortortaqarfii najugarisaminni Kommunalbestyrelseni ilaasortanik toortaajuarnissaat eqeersaajuarnissaat aammalu sulinermi peqataanissaat siulitaasumit kaammattuutigineqarpoq, taamaalillutik sanaartornissanut missigersuusiornerni annertunerusumik aningaasaleeqataaniassammata.
Sulisartut ulluat malunnartinniarlugu tassuugu nalunaaqutaq ataatsimut Sulinermik Inuussutissarsiuteqartut Kattuffiata allaffeqarfianit Nuummi ingerlaaqatigiineqassaaq Naalakkersuisut allaffeqarfiata tungaanut, tassani SIK -ip siulitaasua Jess G Berthelsen oqalugiassalluni.