SIK ilinniartitaanermik eqqarsarli!

Nunat allamiut nunatsinnut suliartorsinnaatitaanerannik akuersissutit tamarmik misissoqqissaarneqartarmata Sulinermik Inuussutissarsiuteqartut Kattuffiat SIK-milu siulittaasoq Jess Berthelsen Nuup Kommuneanik isornartorsiuissallutik pissutissaqanngillat, Nuummi borgmesteri, Agnethe Davidsen, Jess G. Berthelsenip Nuup Kommuneata malittarisassaminik sukaterinissaanik kissaateqarneranut akissuteqarluni taama oqarpoq:

- Taamaattoqanngilluinnarpoq, Nuup kommuniata inatsisit tassunga tunngassuteqartut maleqqissaarpai, aamma suliffissarsiuussisarfimmi ataatsimiititaliap tassunga tunngassuteqartut siornali oktoberimi sukaterinikuuvoq, tassa imaalilluni; avataaninngaanniit sulisussanik tikisitsinissamik qinnuteqartoqartillugu taava taakku tamarmik ataatsimiititaliami nalilersoqqissaarneqarlutik aalajangerneqartarput, taamaattumik eqqunngilluinnarpoq Jess G. Berthelsenip oqariartuutaa allaat taanna ataatsimiititaliaq tamakkununnga suliaminut sumiginnaasutulluunniit isigerpasillugu oqaseqarnera akuerisinnaanngilluinnarpara, Agnethe Davidsen oqarpoq. Nangipporlu:

- Nassuerutigisariaqarparput nunami maani assassorluni sulisunik soorlu sanasunik! Siunissami ilinniartitaanerup tungaatigut qanoq iliuuseqanngikkutta annertuumik amigaateqalertussaavugut. Taamaattumik SIK sulisitsisullu peqatigiiffiat GA marluullutik sulissutigisariaqalerpaat taakkua tungaatigut ilinniartitaanerup qanoq ilillugu pitsanngorsaaviginissaa. Assersuutigalugu praktikkerfissanik amigaateqarnerujussuaq nunatsinni oqallisaaqisoq! Taamaattumik tamatta tamanna sulissutigissagutsigu assassorluni ilinniarnerup annertusinissaa tamakkuninnga amigaateqaleqqissanngikkutta suleqatigiilluta aaqqiiviginiartariaqarparput akerartuutiinnarnata,

Nuup borgmesteria, Agnethe Davidsen taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat