SIK GA-lu atsioqatigiipput

SIK aamma Sulisitsisut Peqatigiiffiat GA ulluni quliinnarni isumaqatigiinniareerlutik ilaatigut allaffissornermik niuernermillu suliallit SIK-p ataaniittut, nalunaaquttap akunnermusiallit qaammammusiallillu ukiuni pingasuni atuuttussamik apriilillu aallaqqaataa aallarnerfigalugu atuutilersussamik isumaqatigiissuteqarfigaat.

- Sulisut pillugit isumaqatigiinniarnerit eqqarsaatigalugit illuatungeriit imminnut qanilliartorusaarput, nunatsinnilu suliffeqarfinni allani sulisunut akissarsiaritinneqartunut kiisami SIK-mi ilaasortat akissarsiaat qanilliartulersut, SIK-p siulittaasua Jess G. Berthelsen tusagassiuutinut nalunaarutimini oqarpoq.

Jess G. Berthelsen KNRimut aamma oqarpoq, illuatungeriit isumaqatigiissusiornissamik aammalu isumaqatigiissusiortariaqarnermik piumassuseqarsimasut.

-Taamaattumik piffissaq sivikitsunnguaq atorlugu isumaqatigiissimalluta. Jess G. Berthelsen oqarpoq.