SIK: Demokratii atorluarparput

Oqartussaaqataaneq demokratii nunatsinni atorluarneqarnersoq pillugu oqallittoqalerpoq. Tassa nunat avannarlerni sulisartut kattuffii suleqatigiillutik oqallitsitsinissaat Katuami tassuugunnguaq nal. 19.00 ingerlanneqartussaavoq.

Oqallitsinissami siunertat suunersut pillugit SIK-p siulittaasuata tullia Josef Therkildsen oqarpoq sumilluuniit ornigukkutta soorlu ataatsimiitunut oqartussaaqataaneq demokratii atorneqarluarsinnaasoq, soorlu siunissami nunatta pilersaarusiorneranut tunngasutigut. Nunatsinni oqartussaaqataaneq atorluarneqarnersoq pillugu oqaaseqarsinnaanginnerarpoq, sulisartullu sullinneqarneranni sulisartullu akornani oqartussaaqataaneq atorluarneqartoq Josef Therkelsen oqarpoq

Oqartussaaqataaneq atorluarlugu assersuutigalugu nunatsinni namminersulernissaq kommunillu aaqqissuuteqqiniarnerat pillugu innuttaasut apeqqutini peqataanerussasut aamma kissaatigineqarpoq.

Sapaami marsip arferngani arfineq marlunut katuami oqallinnissami SIK-p siulittaasua, suliniaqatigiiffik Namminerup siulittaasua, Naaminersornerlu pillugu pisortaqarfimmiit oqallissaarisoqartussaavoq.