SIK: Aningaasalersueriaaseq 10-40-50 atorunnaarsinneqartariaqarpoq

Ineqarnermut politikki maanna ingerlanneqartoq SIK-p siulittaasuanit Jess G. Berthelsenimit illuatungilerneqarpoq, illuliortiternernut aningaasalersueriaatsip 10-40-50-ip atorunnaarsinneqarnissaa oqaatigalugu.
Allattoq Mads Lynge
januaarip 03-at 2009 14:02

Jess G. Berthelsen ima oqarpoq:

- 10-40-50-imik aaqqissuussivigineqarsimaneq tassaasimavoq qanga ilaqutariinnut aaqqisuussineq ilaqutariit aamma illutaarnissaminnut nammineq akilersinnaasaminnik periarfissinneqarniassammata. Kisianni maannakkut boligspekulantinit, tassa illunik iluanaarniutilinnit, atorneqartalersimavoq, tassa akileraartartut akiligaannik tapiiffigeriarlugit qaavatigut Namminersornerullutik Oqartussat atortarput tassunga nammineq aningaasaliiffigisaminnut annertoorujussuarnik akiliuteqarlutik. Isumaqarpunga aaqqissuussineq taanna unitsinneqartariaqartoq, ilaqutariillu nalinginnaasumik tassunga periarfissillugit, SIK-p siulittaasua Jess G. Berthelsen oqarpoq.