SIK akiliinianngilaq
Kalaallit Nunaanni Sulisitsisut Peqatigiiffiata, GA-p, Sulinermik Inuussutissarsiuteqartut Kattuffiannut, SIK-mut, pisuutitsisutut tusagassiuutitigut nalunaaruteqarnera inuttut malersuinertut SIK-p siulittaasuata tulliata, Josef Therkildsen-ip, nalilerpaa.
Sulisitsisut Peqatigiiffiat ippassaq tusagassiuutitigut allappoq, aningaasarsiat pillugit isumaqatigiinniarnissamik GA avaqqullugu SIK suliffeqarfinnut marlunnut saaffiginnissuteqarsimanini pillugu, GA-mut 400.000 koruuninik akiliisussanngortinneqartoq.
Jess G. Berthelsenip suleriaasaa GA-p tusagassiuutitigut nalunaarummini ima uparuarpaa:
- Kattuffinnut tunngassutilinnik suliaqaraangami GA-mut akeqqersimaartutut ataasiaannarani nipeqartarpoq.
Tamanna SIK-mit kamaammiutigineqaqaaq, siulittaasullu GA imminik malersuisutut pisuutippaa.
SIK-mi uagut tassaavugut sulisartut pikkorissut ataqatigiittullu, SIK allappoq.
SIK 400.000 koruuninik aamma akiliinianngilaq. Aalajangiineq allamit aalajangiiffigisassanngorlu nunatta eqqartuussivissuanut ingerlateqqinniarpaat.
Kalaallit Nunaanni Sulisitsisut Peqatigiiffiata Sulinermik Inuussutissarsiuteqartut Kattuffiat avaqqutaaraluni suliffeqarfinnut saaffiginnissimasutut pisuutitsinera eqqartuussisuunermit uppernarsarneqarmat, una pisoq tamarmi aallartippoq.
