SIK aamma GA kukkupput

London Miningilu isumaqatiginnilinnginnitsinni ataatsimoorluta, tassalu Namminersorlutik Oqartussat, kommunit soqutigisaqaqatigiillu pingaarutillit ingerlatseqatigiiffimmik isumaqatiginninniarnissatsinnut piareersarluarnissarput pingaartuuvoq. Tamanna – oqaatigineqareersutut – oqaloqatigiinnikkut pitsaanerpaamik pissaaq. Tamanna isumaqatiginninniarnermut ingerlassanut tunngatillugu isumaqatiginninniarnerit ammasuullutillu tamanik takunniffiunissaannut tunngaviuvoq, Ove Karl Berthelsen isumaqarpoq.

Allaaserisaminni soqutigisaqaqatigiinnik ataasiakkaanik London Miningip ataatsimeeqateqarnera GA’p SIK’llu eqqumiitsuunerarpaat. Isumaqatiginninniarniviit aallartinnissaat sioqqullugit soqutigisaqaqatigiinnik paasisaqarniarluni London Miningip ataatsimeeqateqarsinnaanera eqqortuuvoq. Taamaattorli – ilumut – periusitsialaasutut isigaara, allaat iliuuseqarniarluni demokratiskiusupilussuusoraara. Ingerlassammi matuma tamarmiusup illuatungeriinnik isumaqatiginninniarnivinnut sapinngisamik pitsaanerpaamik piareersarnissaannut periarfissiinissaa siunertarineqarpoq, aatsitassarsiornermut naalakkersuisoq erseqqissaavoq.

Illuatungeriit taamaasillutik pitsaanerpaamik piareersarput, IBA-millu suliffeqarfimmut piumasaqaatissanut tunngasunik saqqummiussisinnaanngorlutik.

IBA-mik isumaqatigiissutip imarisai London Miningimit peqqussutaassanngillat – tassaassappulli illuatungeriit akornanni isumaqatiginninniutaasut, illuatungaani London Mining – illuatungaanillu Namminersorlutik Oqartussat aamma kommunit. GA’p aamma SIK’p allaaserisimasaminnik itisiliinissartik kissaatigigunikku isummiussaminnik saqqummiussinissaminnut allaffinni ataatsimiinnissamut tikilluaqqusaanerat naggasiutigalugu oqaatigissavara, Ove Karl Berthelsen oqarpoq.