Sulinerminermik inuussutissarsiuteqartut kattuffiat SIK sulisitsisut kattuffiannut Grønlands Arbejdsgiverforening-imut 400.000 koruuninik akiliisussangortinneqarsimavoq.
Kattuffiit taakku marluk isumaqatigiissutigisimasamminnik unioqqutitsisimanertik pillugu akiliisussanngortinneqarput. Aviisi Sermitsiaq taama allaaserisaqarpoq.
Sulinermik Inuussutissarsiuteqartut Kattuffiata Siulittaasuata Jess G. Berthelsen-ip, suliffeqarfiit Grønlands Arbejdsgiverforening-imi ilaasortaasut ilaasortaajunnaarsinniarsimammagit taama aalajangertoqarpoq. Aviisip allaserisaa malillugu Jess G. Berthelsen-ip suliffeqarfiit GA-mut ilaasortaasut, SIK-mut ilaasortanngornissaannik toqqaannartumik saaffiginnissuteqarsimavoq, Grønlands Arbejdsgiverforening avaqqullugu, taamaaliornikkullu Jess G. Berthelsen-ip GA-mik isumaqatigiissutigineqartup aalajangersagaanni pingaarnerutitaq tassalu suleqatigiinnerup siuarsarneqarnissaanik isumaqatigiissut unioqqutissimallugu.
SIK-ip 400.000 koruuninik akiliinermigut nunatta eqqartuussiviani eqqartuussineqannginnissaq anguaa. Kattuffiup SIK-ip siulittaasua Jess G. Berthelsen aalajangerneq pillugu aviisip Sermitsiap oqaaseqartinniarsimagaluarpaa iluatsissinnaasimanaguli.
