Siiva Fleischer Tivolimi

Tivolimi aggutsip aallaqqaataani kalaallit naapisimaarnissaanni Zikaza-mi erinarsortartoq Siiva Fleischer pingaarnertut erinarsortorineqassaaq. Tivolip ataani peqatigiiffiup ”Kalaallit Nunaat”ni siulittaasoq Sidsel Møller oqarpoq, aaqqissuussineq ukioq manna pisarnertut ulluni pingasuni ingerlanneqassasoq, sapaammi ataasinngornermi marlunngornermilu ingerlanneqassalluni. Aggutsip aallaqqaataa marlunngornerussaaq, ullorlu taanna Siiva Fleischer tusarnaartitsissaaq.

Tivolimi kalaallit ulloqarnissaat qallunaanik nipilersortartunik nunatsinni nipilersortarsimasunik ukioq manna ilaqartinneqassaaq. Pilersaarut nutaajuvoq kalaallillu ikinngutaannik taallugu suliniuteqartunik pilersaarusiorneqarpoq. Poul Dissing ernini marluk peqatigalugit ukioq manna tusarnaartitsissaaq.

Pilersaarutinik allanik aamma piareersaasoqartoq Sidsel Møllerip ilanngullugu oqaatigaa, sulili oqaatigerusunngikkallarpaa pilersaarutit suunersut, aningaasaliisussat ilaat akuersinerlutik suli nalunaaruteqanngimmata.