Sigurður Ingi Jóhannsson Islandimi ministeriuninngorpoq
Islandimi naalakkersuisut inatsisartut Reykjavikkimi inersuaanni tusagassiortunik ippassaq katersortitsinerminni taama nalunaarput.
Pisuut akileraarutissanik peqquserlunnerannut suliffeqarfik Panamamiittoq ikiuisimasoq paasineqarpoq. Sigmundur David Gunnlaugsonnilu akileraarutissanik peqquserloqataasorineqarpoq.
Islandimi ministeriunertaaq, Sigurður Ingi Jóhannsson siornatigut aalisarnermut nunalerinermullu naalakkersuisuuvoq. Taannalu ministeriuninngussasoq, Fremskridtpartiip partiillu naalakkersuisuutitaqartup aappaata Selvstændighedspartiip isumaqatigiissutigaat.
AAMMA ATUARUK Islandimi ministeriunerup akileraarutikinneruffiusumik atuisimanera qulaajaaffigineqartoq
Partiillu taakku naalakkersuisoqatigiinnertik ukiami qinersisoqarnissaata tungaanut atuutsissavaat.
Ministeriunertut tunuartup islandimi innuttaasut pilluaquai.
- Ministeriunerup tullia tatiginartuuvoq pitsaasuullunilu.Taamaammat Islandimiut pilluaqqorusuppakka, Sigmundur David Gunnlaugsson Inatsisartut inersuanit aninnginnermini oqarpoq.
Ministeriunertut tunuartoq kingusinnerpaamik nalunaaqutaq ulloqeqqanut sassarnissaa ilimagineqarpoq. Tassani pisortatigoortumik ministeriunertut atorfik Sigurður Ingi Jóhannssonimut tunniussavaa.
Ministeriunerit allanngornerannut illuatungiliuttut naammaginninngillat. Taakku maannakkut qinersisoqarnissaanik kissaateqarput.
Aamma atuaruk Islandimi ministeriuneq tunuarpoq
Aamma atuaruk Islandimi ministeriunermut akerliussutsimik takutitsisut
Aamma atuaruk VIDEO Kalaaleq malinnaasoq: Islandimiut qinerseqqikkusupput