Sibiriami nannut sinittut pisarineqartarput
Allaq qernertoq, Sibiriami nungutaanissaminik ulorianartorsiortinneqartoq, russit pisuut ukiuunerani piniartalersimavaat.
Allattoq Louise M. Kleemann
marsip 25-at 2008 07:28
Nannunniariaasialli ajornanngippallaartoq aviisimi Ekstra Blade-mi allaaserineqarpoq.
Allat qernertut tamakku ukiuunerani orpissuup ataani sullup iluani toquusartarput, nannunniallu Allaq qisummik toortarlugu itertittarpaat pujoorluguluunniit anisittarlugu. Itertinngitsooraangamikku pilattuummik motorilimmik sakkulerlutik orpik uppitittarpaat.
Allaq kiisami iteraangat qimaaleraangallu aallaallugu toquttarpaat.
Taamatut nannunniartarneq niuerniutaallualivissimavoq, minnerpaamik 150.000 koruuninik iluanaarutaasartoq oqaatigineqarpoq.
Allaq qernertoq nungutaanissaminik ulorianartorsiortutut isigineqarmat, sumiluunniit piniaqqusaanngilluinnarpoq, taamaallaalli Ruslandimi piniarneqarsinnaalluni.
