Sianiutimigut nappaatilik ersiortitsisoq
Politiit arfinillit politiillu ikiortaat marluk angallammut attartukkamut ilaallutik Kangaatsiap tungaanut sisamanngornermi unnukkut aallarput.
Kangaatsiamut tikinnerminni politiit paasivaat ”aallaasersortoq” tassaasoq angut sianiutimigut nappaatilik, ”sakkualu” ,nalunaarutiginnittumit aallaasaasorineqartoq, tassaasoq qinneriaat.
Angut 55-inik ukiulik politiinit tigusarineqarpoq Aasiannullu oqqunneqarluni. Angut tigusarineqarnerminut atatillugu ulloq ataaseq Aasiaat napparsimavianni nakkutigineqarpoq.
Angutip sianiutimigut nappaatillit angerlarsimaffiannut inissinneqarnissani naatsorsuutigisinnaassagaa politiit oqaatigaat.