Sianissutsimigut misissorneqassaaq
Angut Sisimiuni toqutsisimasutut pasineqartoq sianissutsiminik misissuiffigineqassaaq.
Allattoq Elisa Isaksen
Sammisarput qimanngikkallassavarput, tassami angut Sisimiuni toqutsisimasutut pasineqartoq sianissutsiminik misissuiffigineqaleruttormat.
Angut Sisimiuni angummik 56-inik ukiulimmik, inissiat ilaanni toqungasumik septembarip aallartilaarnerani nassaarineqartumik toqutsisimasutut pasineqarpoq.
Kisianni politimesterip tulliata Morten Nielsenip suliaq oqaaseqarfigerusunngilaa, taamaallaallu suli misissueqqissaartoqarnera innersuussutigalugu.
Pasineqartoq sianissutsiminik misissuiffigineqarnermi nalaani tigummineqarallarpoq.