Sialussuaq kræftimik misissuinermut kingunipiloqartitsivoq
Cellet misissukkat taarserneqarsinnaanngitsut, millionit sinnerlugit amerlassusillit, 1993-imili katersukkat, imersuaq, ilaatigut eqqakkat aqqutaanneersoq, Kræftimut Akiuniaqatigiiffiup misissuivianut kiilerimiittumut, isaallarmat, annaaneqarput. Aviisimi 24timerimi tamanna allaaserineqarpoq.
Qerititsiviit, timip ipiutaasartaanik cellenillu uumassusilinnik eriaginarluinnartunik, kræftimik misissuinermi atugassanik imallit, qarsutsivigineqarput.
- Ernummatigisartagarput ajornerpaaq ajoraluartumik nalaapparput. Ajornerusumik pisoqarsinnaanngilaq, Kræftimut Akiuniaqatigiiffimmi pisortaaneq, Leif Vestergaard Pedersen, aviisimut oqarpoq.
Annaasat qanoq annertutiginersut suli paasineqanngilaq, Kræftimulli Akiuiniaqatigiiffimmit ernummatigineqarpoq, cellet pingaaruteqarnerpaat aserorsimassasut. Cellet 130 gradimik nillissusilimmiittussaapput, qerititsiviilli sapaatiummat 0 gradiinnanngorsimapput.
- Ilisimatuussutsikkut ukiorpassuarni suliat annaaneqarput, Kræftimut Akiuiniarnermi cellenik misissuivimmi pisortaq, Jørgen Olsen, oqarpoq.
Annaasat qanoq annertutiginerat sapaatip-akunnerata tulliani paasineqassagunarpoq.