Sialuit qulimiguullillu nunamik ikuallattumik qamisaataaqataapput

Sisimiut avannaata kangiani nunap annertuup ikuallannera sialummit Air Greenlandillu helikopterianit qatserisoqarneratigut annikillisinneqarpoq, pujornikinnerulerlunulu. Maannakkut siallerpoq sakkortuumillu anorlerluni.

Sisimiut avannaata kangiani nunap ikuallannersua siallerneratigut Air Greenlandillu helikopterianit qatserisoqarneratigut millissinneqarpoq.

Ikuallattoq ussissorujussuarmik pujuliormat qatserisartut nammineerlutik qamisaasinnaasimanngimmata, Sisimiuni upalungaarsimasut Air Greenlandip helikopterianit ikiorneqarnissamik noqqaassuteqarnikuuput.

Air Greenlandip helikopteria ippassaq ualikkut unnukkullu ikuallattumik qamisaavoq. 

- Helikopterimit qatserisoqarnerta kingorna ikuallattup avannamut kangimullu siaruaanissaa pinngitsoortinneqarpoq, ulapungaarsimasut pisortaat Ole Kreutzmann oqarpoq.

AAMMA ATUARUK Qatserisartut Air Greenlandimit ikiorneqarnissamik noqqaapput

Ikuallattoq maanna pujuliornerujussuarunnaarpoq, qatserisartullu qamisarsinnaalerpaat, Ole Kreutzmann oqarpoq.

Maanna sakkortuumik anorlerpoq, anorlerunnaarpallu qatserisartut qamisaanertik nangissavaat. 

Tamatuma kingorna helikopteri suli atorfissaqartinnerlugu Sisimiuni upalungaarsimasuutitat aalajangissavaat,Ole Kreutzmann oqaluttuarpoq.

Pujoorivimmit ikuallattoqarneratigut ikuallattoq siaruaappoq. 

Pujoorivik nakkutigineqarsimagaluarpoq, ikuallannerli nunamut panertumut anngukkami siaruaatipallassimavoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat