Siallerujussuarnerup kinguneranik imermik qalaasseqqaartariaqarput
- Erngup bakteriaqalernera sapaatip akunnera kingulleq siallerujussuarneranik tunngaveqarpoq. Siallerujussuarneranimi uumasuaqqat uumasusillit saliivimmi salinneqarsinnaasimanngillat. Taakku ulorianaateqarujussuanngikkaluarput, taamaakkaluartorli meeqqanut utoqqarnut inunnunnullu nappaatinut akiuussutissakillisimasunut bakteria napparsimalersitsisinnaavoq. Taamaattumillu imeq qalaateqaarlugu imerneqartariaqarpoq, Ilulissani uumasut nakorsaat Sanne Wenneberg taama oqaluttuarpoq.
Sisimiuni najugaqaruit imermik qalaasseqqaarlutit imertornissat pisariaqarpoq, tamatumali allanngortinneqarnissaanut neriuuteqartoqarpoq.
- Maanna Sisimiut imeqarfiani suna ajoqutaarpiarnersoq misissorneqaleruttorpoq. Pingasunngorpallu misissugassamik tigusisoqaqqissaaq. Misissorneqartussap inerneranik paasisaqariarutta nalunaaruteqarumaarpugut. Neriuppungalu erngup misissorneqartussap nutaap kingorna imermik qalaassinissaq pisariaarukkumaartoq, Sanne Wenneberg taama oqarpoq.
