Siallersumi aasiveerarsiorput

Kujataa sialussuaraluartoq Aasiveerarsiorneq inunnit 150-it missaaniittunit peqataaffigineqartoq iluatsilluartutut nalilersinnaallugu peqataasut ilaat, Narsap kommuniani pinaveersaartitsinermi siunnersorti Bolethe Stenskov oqarpoq. Oqalugiaqattaarnerit nipilersortartullu assigiingitsut Narsamiit Qaqortumiit Nanortalimmeersullu unnuaruullugu aliikkusersuisimasut oqaatigineqarluni. Soorlu nipilersortartut Narsarmiiniit Sikukkut Qaqortumiillu Piitsukkut appisimaartunut ilaallutik, Aasiveerarsiortullu qiimasimaqalutik.

Tupaallaatigineqartumillu Tay-kwon-do-mik peqataasut aamma misileraasinnaasimapput alutorineqaqisumik. Ullumi sisamanngornermi kalattoortartuaqqat Nanortalimmeersut takutitsipput, kujataanilu pinaveersaartitsisut Inuk qitiutillugu suliniutinik saqqummiussaqarlutik. Aamma Paarisameersut imminortarnerup pinaveersaartinniarneqarnera pillugu sulinitiutinik saqqummiussuisut Bolethe Stenskov oqarpoq.