Silaannaap kiatsikkiartuinnarnera, Canada-p avannaanik nittaalaqannginnerulerluni siallernerulersitsisoq, Canada-p avannaani silasiortoq David Phillips oqarpoq.
- Canadap avannaani sumiiffinni pingasuni silaannaap kiatsikkaluttuinnarnera malunnarsigaluttuinnarpoq, David Phillips CBC-mut oqarpoq.
Nittaalarnerminngaanniit siallernerusalernera 1970-ikkunnut sanilliullugu ukiut kingulliit siallernerusalerpoq, taamatullu silaannaap kiatsikkiartuinnernera allanngornani ingerlanera ukiuni kingullerni silasiortup David Phillips-ip maluginiarsimavaa.
Kuuit imaqarnerulerneranik siallernerusalernera kinguneqarsinnaavoq, taamaasillunilu tuttut neriniartarfii imeqarnerulerlutik qerisalerpata, tuttut perlertalernerinik kinguneqarsinnaasoq, silasiortoq David Phillips oqarpoq.
Ukiuni kingullerni 24-ini Iqaluinni niuertarfiutilik Jerry Fraser, oqarpoq aatsaat taamak amerlatigisunik sialussiutinik tunisaqartalerluni.