Sheila Watt-Cloutier nersorniarneqarpoq
Inuit Issittormiut Kattuffiata siulittaasua Nunavummeersoq, Sheila Watt-Cloutier, Canadami aviisersuarmi Time Magazinemi saqqummeqqammersumi nersorniarneqarpoq.
Aviisersuaq Canadami inuit immikkut anguniagaqarsimanertik pillugu nersortariallit allattorsimaffiannik pingajussaa saqqummersitsivoq, tassanilu ICC-p siulittaasuata, pingaartumik silaannap allanngoriartornerata issittumut kingunerinik siammarterimanini nersorneqaatigaa.
- Sheila Watt-Cloutier paasisitsiniaalluni annertuumik sulisimanngikkaluarpat, silaannap allanngoriartornerata avatangiisinut inunnullu sunniutai immaqa iluamik paasineqarsimassanngikkaluarput. Inuit issittormiut inooriaasiat uumasullu piginiagaat silaannaap allanngoriartorneranit annertuumik eqqugaapput, Time Magazine ilaatigut taama allaaserinnippoq.
Time Magazinemi saqqummersumi Canadami inuit 14-it immikkut nersortarialittut allaaserineqarsimapput.
