Sharon susinnaajunnaartutut nalilerneqarpoq
apriilip 11-at 2006 05:25
Israelimi ministeriuneq, Ariel Sharon, susinnaajunnaavikkunarpoq. Qaammatit pingasut siniinnavippoq, suleqqissinnaajunnaartutullu tassa maanna nalilerneqarpoq.
Ariel Sharonip naalakkersuisooqatai maanna tassa taama aalajangerput.
Ehud Olmert, Israelimi ministeriunertut, pisortatigoortuumik maanna sulisinnaanngorpoq.
Israelimi qaammat kingulleq qinersisoqareernerata kingorna, Ehud Olmert, naalakkersuisussanik nutaanik maanna katiteriniarsarivoq.