Sharif itigartinneqartoq

Pakistanimi illuatungiliuttut siuttuisa ilaat, Nawas Sharif, januaarimi inatsisartunut qinersinissamut qinigassanngortinnissaminut itigartitaavoq. Taama ullumi nalunaarpoq qinersinermut ataatsimiititaliap siulittaasua, Raja Qamaruzaman.

Qinersinermut ataatsimiititaliap siulittaasuata, Sharifip qinigassanngortissinnaaneranut itigartitsinermut nassuiaatigaa, siusinnerusukkut inatsisinik unioqqutitsisimasutut eqqartuussaasimanera. Tamanna Pakistanip Kangiani Lahoremi, Sharifip pissaaneqarfigisaani tikeraartilluni ilisimatitsissutigaa.

Nawas Sharifip, siusinnerusukkut ministeriunerusup, eqqartuussaanini politikimik tunngaveqartut oqaatigai. Taanna 1999-imi naalakkersuisut siuttuattut general Pervez Musharraf-imit, 1999-imi aammik kuisinertaqanngitsumik mumisitsisumit peersitaavoq, parnaarunneqarluni aappaaguanilu nunamit anisitaalluni.

Musharraf-imit, præsidentimut qinigaaqqammersumit, akuerineqarluni Nawaz Sharif Pakistanimut ukiormanna novembarip qaammataani uterpoq.