Kinami illoqarfinni allani coronavirusimik tunillanneqarsimasunik ullut pingasut tulleriissillugit nassaartoqarsimanngikkaanni killilersuinerit qasukkaamineqartarput.Assi: Aly Song/Reuters/Ritzau Scanpix

Shanghaimi coronavirusimik tunillatsissimasunik nutaanik nassaartoqanngilertoq

Shanghaimi apriilip aallartissimalaarneranili killilersuiffiusumi ammaaqqinnissamut pilersaarutit apeqquserneqarput.

Kinami illoqarfissuaq Shanghai coronap ajornartoortitsinera peqqutaalluni sapaatit-akunnerini arfineq-marlunni matoqqareerluni ammaqqikkiartuaalerunarpoq.

Illoqarfissuarmi 25 millioninik inulimmi coronavirusimik tunillatsissimasunik nutaanik ullut pingasut tulleriissillugit nassaartoqanngilaq.

Kinami illoqarfinni allani coronavirusimik tunillanneqarsimasunik ullut pingasut tulleriissillugit nassaartoqarsimanngikkaanni killilersuinerit qasukkaamineqartarput.

AAMMA ATUARUK SAS Kinamut timmisartuussisarnerminik taamaatitsigallartoq

Shanghaimili innuttaasut ulluinnarmik nalinginnaasumik inuuneqaqqilernissamut utaqqilaaqqaartariaqassagunarput, inuimmi millionilikkuutaat najukkaminnit suli aneqqusaanngikkallarput.

Shanghaimi inuit 3,8 millionit sukannernerpaamik suli killilersuiffigineqartut, nutaarsiassaqartitsivik AFP allappoq.

Coronavirusi tuniluutilermalli Kinami apriilimi aatsaat taama tuniluutsigilerpoq, Shanghailu taamaalinerani sukannersumik killilersuiffigineqalerluni. Shanghai sapaatit-akunnerini arfineq-marlunni maannamut matoqqatinneqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl