Serverip ajoquteqarnera pissutaalluni internetikkut ippassaq attaveeruttoqartoq
Internetikkut attaviit nunatsinni sumiiffinni assigiinngitsuni ippassaq unnukkut attaveerupput.
Tele-Postip DNS serveriani ajoquteqartoqarneratigut Tele-Postip sullitai amerlasuut bredbåndikkut attavillit mobildatallillu attaveerukkaluarput.
Tele-Post Facebookimi quppernermini taama nassuiaateqarpoq.
- Tamanna ajuusaarutigaarput, taamaattumillu attaveeruttoortarnerit teknikikkullu ajutoortarnerit minnerpaamiitinniarlugit atortugut sullississutigullu maanna pitsanngorsarlugillu taarsersorpagut. Sulineq ingerlassaaq sullissatta attaveqarnerisa pitsaanerulernissaat qularnaannerulernissaallu qulakkeerniarlugu, Tele-Post taama allaaserisaqarpoq.