Sermitsiaq.AG oqaluttuarisaanermi aatsaat taama sinneqartoortigisoq
![](/sites/default/files/styles/image_934x467/public/sermitisaq.ag_.jpg?itok=pkkDD0JL)
Akileraarutit ilanngaatigereerlugit iluanaarutit koruunit 5,4 millioniupput. Ukiumut siulianut naleqqiukkaanni siuariaat koruunit 1,2 millioniupput, tassaappullu tusagassiorfiup oqaluttuarisaanerani angusani pitsaanerpaat.
AAMMA ATUARUK Tusagassiorfiup Sermitsiaq.AG-p ukiumoortumik angusani naammaginartinngikkai
Siuariarneq Sermitsiaq.AG'p nammineq nassuiarpaa inuiaqatigiinni kalaallini ingerlalluartoqarnerata saniatigut Sermitsiaq.AG'p nittartagaata 2017-ip ingerlanerani ukiumut siulianut naleqqiullugu otte millioninik amerlanernit alakkarterneqarsimaneranik. Taamaattoqarnerata ussassaarutititigut isertitat amerlisimmagit aningaasatigut isertitanut sunniuteqarluarsimasut, tusagassiorfik allappoq.
Akerlianik aviisit naqitat tunisat ikiliartuinnarsimapput, 2017-imilu appaqqissimallutik. Tusagassiorfiulli digitalimik pisisartui amerleriarsimallutik.
Sermitsiaq.AG 2017-imi koruuninik 1,5 millioninik pisortanit tapiissutisivoq.