Sermitsiaq kanngunarsaasimasutut politiilersuunneqarpoq
septembarip 14-at 2006 15:51
Aviisi Sermitsiaq sapaatip-akunnerani kingullermi saqqummersumut tunngatillugu kanngunarsaasimasutut inunnit marlunnit politiinut unnerluutigineqarpoq. Tamanna internet-imi Sermitsiaq.gl.-mit ullumi takuneqarsinnaavoq.
Sapaatip akunnerani kingullermi Sermitsiaq qarasaasiamiit aaneqarsimasumit niviarsiaqqanik inuusuttuaqqanik saqqummiussaqarpoq. Sermitsiap saqqummiussai assit internettip quppernerisa ilaannit arto.gl-mit tigusaapput.
Nuummi politeeqarfiup pisortaa Bent Heisselberg Sermitsiamut oqarpoq, suliamut tunngasut misissuiffigileritsik.
Kisianni misissugassaqarujussuanngilaq, tassami niviarsiaqqat assit kikkunnit tamanit takuneqarsinnaasungorlugit namminneerlutik ilisimammatigik, Bent Heisselberg Sermitsiamut oqarpoq.
