Sermitsiaq AG-lu suleqatigiinniarunnaarput
Sermitsiap siulersuisuisa unammillertigisamik AG-mik suleqatigiinnissamik pilersaarutit unitsippaat.
Siulersuisut siulittaasuat Hagen Høyer Christensen naapertorlugu tamatumunnga peqqutaavoq, AG-mi aqutsisut suleqatikkuminaassimaneri.
- Aaqqissuussaaneq pillugu siunissami suleqatigiinnissaq, assersuutigalugu ataatsimoorluni peqatigiittumik suleqatigiilluni piginneqatigiiffiliornissaq, aningaasaqarnikkut pilersaarusianik aalajangersaanissat aaqqissuussaanermullu pilersaarutit siulersuisut naatsorsuutigisaanut naapertuutinngillat, taamaattumik pilersaarutit maannakkut unitsikkallarpagut, Hagen Høyer Christensen oqarpoq.