Sermitsiap aviisi nutaaq SQ saqqummersittalissavaa
Påskep kingorna aviisip Sermitsiap aviisi nutaaq SQ-mik taaguutilik saqqummiuttalissavaa. Aviisilu taanna Danmarkimi aamma saqqummiunneqartassaaq, tassami aviisip Jyllandspostenip iluanut ikineqartalissagami.
Allattoq Louise M. Kleemann
SQ ukiumut sisamariarluni Jyllandspostenimut tapiliussatut saqqummiunneqartassaaq, Danmarkimilu atuartartunut Kalaallit Nunaanut tunngasunik soqutiginnittunut saaffiginnittuussalluni. Aviisi tapiliuttaligassaq atuartartunut 500.000-nut naatsorsuussamik 220.000-inngorlugu naqinneqartassaaq.
- SQ sulisussarsiorluni annonceliiffissatut naleqqulluinnartuuvoq, Poul Krarup oqarpoq.
Aviisi taanna magasiinaasoq sulisussarsiornernik, ilinniartitaanermik, pisortassarsiornernik imaqartinneqartassaaq. Aammattaaq kalaallit qullersatut sulisuusut inoqatiminnullu sunniisinnaassusillit pillugit allaaserinnittoqartassalluni.